Minister van Justisie en Korrektiewe Dienste

Die Minister van Justisie en Korrektiewe Dienste is die minister van justisie in die regering van Suid-Afrika. Hy is die politieke hoof van die Departement van Justisie en Staatkundige Ontwikkeling, wat verantwoordelik is vir administratiewe ondersteuning aan die howe, toesig oor die Nasionale Vervolgingsgesag, die verskaffing van regsdienste aan staatsdepartemente en regshervorming; en ook van die Departement van Korrektiewe Dienste wat verantwoordelik is vir gevangenisse.^[1]

Voor Mei 2014 was korrektiewe dienste 'n aparte portefeulje. Dit is saamgevoeg met Justisie in die tweede Zuma-kabinet.^[2]

Die dienende minister is Ronald Lamola wat in Junie 2019 deur president Cyril Ramaphosa aangestel is.^[3] Sy adjunkte is John Jeffery (Justisie)^[4] en Inkosi Patekile Holomisa (Korrektiewe Dienste).^[5]

1. ↑ The Presidency (14 Junie 2019). "President Cyril Ramaphosa announces reconfigured departments". Persberig. https://www.gov.za/speeches/president-cyril-ramaphosa-announces-reconfigured-departments-14-jun-2019-0000. Besoek op 7 Augustus 2020. "The Minister of Justice and Correctional Services is responsible for the Department of Justice and Constitutional Development (DoJ&CD), the Department of Correctional Services (DCS), and the Office of the Chief Justice (OCJ)." 
2. ↑ "President Jacob Zuma announces members of the National Executive, Pretoria". The Presidency. 25 Mei 2014. Geargiveer vanaf die oorspronklike op 27 Mei 2014. Besoek op 18 Julie 2014.
3. ↑ "Justice and Correctional Services [ Ministry of ]". South African Government. Besoek op 8 Augustus 2020.
4. ↑ "Justice and Correctional Services - Justice [ Deputy Ministry of ]". South African Government. Besoek op 8 Augustus 2020.
5. ↑ "Justice and Correctional Services - Corrections [ Deputy Ministry of ]". South African Government. Besoek op 8 Augustus 2020.